सौ.दुर्गाताई संतोष मराठे यांची ‘शिवसेना धर्मवीर अध्यात्मिक सेना’ जळगाव जिल्हा महिला समन्वयक पदी नियुक्ती
सौ.दुर्गाताई संतोष मराठे यांची ‘शिवसेना धर्मवीर अध्यात्मिक सेना’ जळगाव जिल्हा महिला समन्वयक पदी नियुक्ती
🔸 स्वर्गीय बाळासाहेब ठाकरे यांचे आशीर्वाद, उपमुख्यमंत्री एकनाथ शिंदे यांचा आदेश, आणि खासदार डॉ. श्रीकांत शिंदे यांचे मार्गदर्शन
🔸 अध्यात्मिक, सामाजिक कार्यातील सक्रिय योगदानाची पावती!
🔸 प्रदेशाध्यक्ष अक्षय महाराज भोसले यांच्या स्वाक्षरीने नियुक्तीपत्र सुपूर्त
🔸 जिल्हा व राज्यस्तरीय नेत्यांकडून मनःपूर्वक शुभेच्छा आणि अभिनंदन
📝 सविस्तर बातमी:
वंदनीय हिंदुहृदयसम्राट शिवसेनाप्रमुख स्व. बाळासाहेब ठाकरे यांच्या आशीर्वादाने आणि शिवसेना प्रमुख नेते व राज्याचे उपमुख्यमंत्री मा. ना. श्री. एकनाथ शिंदे यांच्या आदेशानुसार तसेच खासदार डॉ. श्रीकांत शिंदे यांच्या मार्गदर्शनाखाली, शिवसेना धर्मवीर अध्यात्मिक सेना – जळगाव जिल्हा महिला समन्वयक पदी मुक्ताईनगर येथील हरीभक्त, कीर्तनकार आणि कथावाचक सौ. दुर्गाताई संतोष मराठे यांची नियुक्ती करण्यात आली आहे.
ही नियुक्ती शिवसेना धर्मवीर अध्यात्मिक सेनेचे प्रदेशाध्यक्ष अक्षय महाराज भोसले यांच्या स्वाक्षरीनिशी देण्यात आली असून, यामुळे जिल्ह्यातील अध्यात्मिक आणि वारकरी चळवळीत नवचैतन्य निर्माण होणार आहे.
सौ. दुर्गाताई संतोष मराठे या शिवसेना नगरसेवक व मुक्ताई वार्ता चॅनलचे संपादक श्री. संतोष मराठे यांच्या सौभाग्यवती असून, त्या अनेक वर्षांपासून सामाजिक व अध्यात्मिक कार्यात सक्रीय सहभाग नोंदवत आहेत. कीर्तन, प्रवचन, हरिपाठ, महिला जागरण यासारख्या विविध माध्यमांतून त्यांनी समाजप्रबोधनाचे कार्य केलेले असून सेवेचे व्रत अजूनही जोपासून कार्य करीत आहे.
🙏 अभिनंदनाचा वर्षाव:
सौ. दुर्गाताई मराठे यांच्या या नियुक्तीबद्दल मुक्ताईनगर विधानसभा मतदारसंघाचे शिवसेना आमदार चंद्रकांत पाटील, शिवसेना जिल्हा प्रमुख समाधान महाजन, जिल्हा संघटक सुनील पाटील, रावेर लोकसभा महिला आघाडी संपर्क प्रमुख संजनाताई पाटील, युवासेना जिल्हा प्रमुख पंकज राणे , शिवसेना सोशल मिडिया जिल्हा प्रमुख शिवराज पाटील तसेच शिवसेना, युवासेना पदाधिकारी, वारकरी संप्रदायातील कीर्तनकार, कथावाचक आणि महिलावर्ग यांच्यावतीने अभिनंदन केले जात आहे.
या नव्या नियुक्तीनंतर सौ. दुर्गाताई मराठे यांच्याकडून जळगाव जिल्ह्यातील महिला वारकरी, कीर्तन, अध्यात्म आणि समाजसेवा तसेच तीर्थस्थळांना न्याय देण्याचे कार्य पुढे नेवून आध्यात्मिक क्षेत्रात आणखी गतिमान कार्य होईल, असा विश्वास जिल्ह्यातील शिवसेना पदाधिकारी आणि भक्तमंडळी व्यक्त करत आहेत.
